ယုံကြည်ခြင်းကို အစအဦးစီရင်၍ စုံလင် စေတော်မူသော သခင်ယေရှုကို စေ့စေ့ထောက်ရှုကြကုန်အံ့။
ဟေဗြဲသြ၀ါဒစာ ၁၂း၂
လွန်ခဲ့တဲ့ နှစ်ပေါင်းများစွာကပေါ့ဗျာ။ ကျွန်တော် ဆုတောင်းပေးဖို့ လိုမယ် ထင်တဲ့ အမေရိကန်ပြည်တွင်းက လူငယ်သင်းအုပ်ဆရာများ စာရင်းကို ပြုစုခဲ့ပါတယ်။ အဲဒါကလည်း Saddleback အသင်းတော်မှာ ကျွန်တော် စပြီး အမှုတော်ထမ်းတုန်းက ကျွန်တော့်အတွက် လူတွေက ၀ိုင်းပြီး ဆုတောင်းပေးကြသလိုမျိုး ဆုတောင်းပေးချင်လို့ပါ။ ၁၀ နှစ်လောက် အကြာမှာ အဲဒီ စာရင်းကို ကျွန်တော်ပြန်ကြည့်တော့ တ၀က်လောက်က အမှုတော်မြတ်ထဲမှာ လုပ်ဆောင်နေဆဲ မရှိတော့တာကို တွေ့ ရပါတယ်။
သူတို့တစ်တွေဟာ ငွေရေးကြေးရေးကြောင့်သော်၎င်း၊ စိတ်အခန့်မသင့်ဖြစ်သောကြောင့်သော်၎င်း၊ အကျင့်စာရိတ္တကြောင့်သော်၎င်း အမှုတော် ထမ်းနေရာကနေ ရုတ်တရက် ရပ်ဆိုင်းပစ်လိုက်ကြပါတယ်။ သူတို့ဟာ ဘုရားရဲ့  အစေကို မခံကြတော့ပါဘူး။
ဘ၀ခရီးဆိုတာ ကိုက်ငါးဆယ် အရှည်သာရှိတဲ့ တာတိုပြေးပွဲ မဟုတ်ပါဘူး။ မာရသွန်ပြေးပွဲလို အရှည်ကြီးပြေးရတဲ့ တာရှည်ပြေးပွဲကြီးပါ။ ကျွန်တော်ကတော့ အားလုံးကို ပန်းတိုင်အဆုံးရောက်တဲ့ အထိ ပြေးစေချင်ပါတယ်။ ပန်းတိုင်ရောက်တဲ့အထိပြေးနိုင်ဖို့ တစ်ခုတည်းသော နည်းလမ်းကတော့ ကိုယ့်ရဲ့ ပတ်ဝန်းကျင်အခြေအနေကို မကြည့်ပဲ ခရစ်တော်ကိုသာ စေ့စေ့ထောက်ရှုကြဖို့ပါပဲ။ ဟေဗြဲ ၁၂း၂ က ပြောတဲ့ အတိုင်းပါပဲ။ "ယုံကြည်ခြင်းကို အစအဦးစီရင်၍ စုံလင် စေတော်မူသော သခင်ယေရှုကို စေ့စေ့ထောက်ရှုကြ" ရမှာ ဖြစ်ပါတယ်။ ကိုယ်အတွက် ခံနိုင်ရည်စွမ်း မရှိတဲ့ စုံစမ်းခြင်းတွေကို ခံနိုင်ဖို့ မမြင်ရတဲ့ ခရစ်တော်ကို မျှော်ကြည့်ဖို့ လိုပါတယ်။
ခွေးများကို နာခံတတ်ဖို့ လေ့ကျင့်ပေးတဲ့ နေရာမှာ ခွေးကို အခန်းရဲ့ အစွန်းတဖက်မှာ နေစေပြီး အခြားအစွန်းတဖက်မှာတော့ သခင်ဖြစ်သူကို နေစေပါတယ်။ အလယ်မှာက အစာခွက်ကို ထားပါတယ်။ ပြီးတော့ သခင်ဖြစ်သူက သူ့ခွေးကို လှမ်းခေါ်ပါတယ်။ ခွေးက အစာကိုသာ စိုက်ကြည့်နေမယ်ဆိုရင် အဲဒီခွေးကတော့ သွားပါပြီ။ အစာဆီကိုပဲ တချိုးတည်း သွားပါလိမ့်မယ်။ ဒါကြောင့် ခွေးကို သခင်ဖြစ်သူကိုသာ စေ့စေ့ကြည့်ဖို့ သင်ပေးပါတယ်။ ခွေးကသခင်ကိုသာ အာရုံစိုက် စေ့စေ့ကြည့်နေရင် သူ့မှာ စုံစမ်းသွေးဆောင်ခြင်း ခံရဖို့ မရှိပါဘူး။ အစာဆီကို ဦးတည်သွားမယ့်အစား သခင့်ဆီကိုသာ တန်းတန်းမတ်မတ် သွားပါလိမ့်မယ်။
ကျွန်တော်တို့ဟာ ကိုယ့်သခင်ကိုသာ အာရုံပြုပြီး သခင့်ကိုသာ စေ့စေ့ကြည့်ဖို့ လိုပါတယ်။ ဒီလိုမှ မဟုတ်ရင် ကျွန်တော်တို့ရဲ့ စိတ်ဟာ တခြားအရာတွေဆီကို အာရုံပြောင်းသွားတတ်ပါတယ်။ ကိုယ့်ကြုံတွေ့ နေရတဲ့ ပြဿနာနဲ့ အခြေအနေအရပ်ရပ်ကို အာရုံမပြုပါနဲ့။ အတိတ်တုန်းက ကိုယ့်အပေါ် ဘုရား ကောင်းမြတ်ခဲ့တာ၊ ပစ္စုပ္ပန်မှာ ကိုယ်နဲ့  အတူတကွ ဘုရား အနီးကပ်ရှိနေတာ၊ အနာဂတ်မှာ ကိုယ့်ကို ကူညီနိုင်တဲ့ အစွမ်း ဘုရားမှာ ရှိတာ၊ တွေကို သာ ဆင်ခြင်အောက်မေ့ အာရုံပြုပါ။ " အကျွန်ုပ်သည် စိတ်ပျက်သောအခါ ထာဝရဘုရားကို အောက်မေ့ပါသည်" (ယောန ၂း၇) ဆိုပြီး ငါးကြီးရဲ့ ၀မ်းထဲမှာ ရောက်နေတဲ့ အချိန်၊ ယောန ပြုခဲ့တဲ့ အတိုင်းပြုဖို့ ဖြစ်ပါတယ်။
ကိုယ့်ဘ၀ခရီးလမ်းတကွေ့ မှာ မျှော်လင့်ချက် ကင်းမဲ့သွားတဲ့ အခြေအနေမျိုး ကြုံလာရရင်ပဲဖြစ်ဖြစ်၊ အလုပ်ရှာလို့ မရတော့ဘူးလို့ ထင်လာရင်ပဲဖြစ်ဖြစ်၊ အိမ်ထောင်ပြုဖို့ မဖြစ်နိုင်တော့ဘူး ထင်လာရင်ပဲဖြစ်ဖြစ်၊ ကလေးမရတော့ဘူးလို့ ထင်လာရင်ပဲဖြစ်ဖြစ်၊ ရောဂါဖိစီးမှုအောက်ကနေ မကျော်လွှားနိုင်တော့ဘူးလို့ ထင်လာရင်ပဲဖြစ်ဖြစ်၊ ကိုယ့်ရဲ့ အတွေးတွေကို သခင့်ဆီမှာသာ ထားပြီး၊ သူ့ကိုသာ စေ့စေ့ထောက်ရှု အာရုံ ပြုကြဖို့ပဲ ဖြစ်ပါတယ်။
ရစ်ဝါရင်၏ နေ့စဉ်မျှော်လင့်ချက် စာစောင်မှ ဇွန်လှိုင်(၁) ရက် ၂၀၁၁ နေ့စွဲပါ စာမျက်နှာအား ဆီလျှော်အောင် ပြန်ဆိုပါသည်။
No comments:
Post a Comment